您的位置:网站首页 > 名报拆局 > 太阳报 > 正文

水鬥水西布朗受讓有着數

2020/11/3 2:14:26
兩支聯賽仲未開齋嘅球隊,今晚英超頭場對碰,富咸主場迎戰西布朗。呢場「水鬥水」邊隊贏波、開大開細冇路捉,不過單從盤路角度,邊隊讓波都冇着數,一定捧對家。今場讓球主客和富咸要讓一球,梗係捧西布朗讓球客勝。

(Now 621周二凌晨1時30分直播)

富咸主場全敗
富咸今季6場聯賽未贏過,輸咗5場僅和1場,當中3場主場全部輸晒。以往富咸喺卡雲農舍球場出擊,都有一定威力,不過因疫情關係,冇晒球迷入場支持,「弱旅靠主場」呢支歌仔都唱唔到。

同樣係升班球隊嘅西布朗,一樣經歷聯賽開季6場不勝嘅尷尬局面,不過佢哋演出較有保證,近4場有3場和波搶到分,包括同勁旅車路士踢成3比3,整體表現比富咸好。而且雙方近4次交手全部和波,實力明顯係半斤八両,西布朗有得受讓,變相好抵玩。
上一条:巴萨临时主席如政府许可,预计在圣诞节前后主席大选 下一条:没有资料