您的位置:网站首页 > 名报拆局 > 太阳报 > 正文

意大利入球細穩陣

2020/11/16 20:49:56
鬥波蘭寓賽於操
歐國聯A1組榜首大戰,意大利主場迎戰波蘭。意大利今場因主帥文仙尼確診新冠肺炎唔會帶隊,球隊亦受疫情影響備戰,既有球員退隊,又要補選等等,不過,意軍喺文仙尼接手調教下,早已有一套固定作戰模式,佢哋8場歐國聯全開2球或以下,今場捧2.5球入球細啱數。

(香港國際財經台76台、有線662及602台周一凌晨3時45分直播)

意大利喺文仙尼接手後,舊年主力應付歐國盃外圍賽,結果豪取10連勝入37球失4球,更有唔少意大利傳媒將佢同納比相提並論。不過,文帥喺對待歐國聯又有另一套手法,講到尾歐國聯只係「高級版熱身賽」,球隊只係將歐國聯當練兵之用,好似今輪賽事,文仙尼一次過召入40多名球員,勝負唔係最重要,如何確立戰術體系先至係重點。

其實,從「藍衫軍」上屆同今屆歐國聯共8場嘅戰果可見一斑,8場賽事獲2勝5和1負,只入過5球失4球,繼續其穩健防守,確立傳控踢法,隊波冇咗邊個球員都影響不大,甚至今場連文仙尼都唔督師,球隊戰術都可以順利執行。

羅拔仔踢國家隊入球率低
波蘭今屆同上屆歐國聯都係意大利同組,3次對賽只得2和1負,不過,今場佢哋亦唔急於贏波,球隊現時以7分排榜首,分別領先意大利同荷蘭1分同2分,今場和波對佢哋嚟講都係一個幾好嘅賽果,可以到最後一場先同荷蘭決一死戰。首席球星羅拔利雲度夫斯基踢國家隊入波唔多,球隊中場供應同拜仁始終差啲,相信今場都係以穩為先,捧2.5球入球細。
上一条:0530 智甲 智利大學聖地牙哥漫遊者 下一条:没有资料