您的位置:网站首页 > 名报拆局 > 太阳报 > 正文

丹麥上晒力轟炸魚腩冰島

2020/11/16 20:50:03
A2組另一場丹麥對冰島,丹麥喺歐國聯表現比預期好,尤其上輪作客1比0擊敗英格蘭,令佢哋有機會爭小組冠軍,冰島實力所限,2屆歐國聯踢咗8場全部輸晒,踢過嘅3場作客賽事,亦全部輸2球或以上,丹麥遇呢組魚腩當然可以大炒番場,讓球主勝放心捧。

(有線603台周一凌晨3時45分直播)

冰島喺上屆歐國盃踢咗一個令人振奮嘅決賽周,不過之後已經無以為繼,上屆歐國聯A級聯賽4場分組賽全部輸晒,其實應該降班,只不過今屆重組,A組聯賽由12隊變咗16隊,佢哋可以掹車邊留喺度。不過,今屆佢哋抽正同比利時、英格蘭及丹麥同組,4場分組賽又係輸晒,累積歐國聯8連敗。

冰島歐國聯8連敗
唔單止歐國聯,喺上周舉行嘅歐國附決賽,冰島喺大部分時間領先1球之下,到88分鐘被匈牙利追平,再於補時失多1粒,將決賽周資格拱手相讓畀匈牙利,相信現時冰島更衣室氣氛應該好差。

丹麥愈戰愈勇,最近4場國際賽全勝之餘,仲保持1球不失,防守非常硬淨,球隊喺基斯甸艾歷臣、安達斯基斯坦臣及尤素夫保臣帶領之下,上輪作客擊敗英格蘭,手執出線主導權,今場只要擊敗冰島,最後一場鬥比利時就係首名之爭,所以唔會手軟,尤其冰島近3場歐國聯作客全輸2球或以上,丹麥絕對有能力大勝一場,為壓軸一戰壯士氣。
上一条:疑似与申花球员合影,4名上港球迷遭所属球迷会重罚 下一条:没有资料