今晚韩职快车上演焦点大战，由全北汽车主场恶斗水原蓝翼。力争衞冕嘅全北汽车今季霸气尽失，以往无坚不摧嘅最强锋力荡然无存，赢波多数靠稳健防守「煲鱼生粥」，遇上防守同样硬净嘅水原蓝翼，想入波有难度，一於博2.5球入球细。（周三晚6时开赛）
近年横扫韩职嘅全北汽车，今季表现大跌Watt，最大原因系入球能力不足，球队过分依赖古斯达禾轩历基同伊祖辛高嘅高空轰炸，反而失去以往千变万化嘅进攻板斧，搞到球队入波数字大跌。
全北汽车近况反覆，国际赛休战前曾以0比2不敌济州联，上轮作客榜首蔚山现代，被睇淡下虽然爆冷赢3比1，但总计全北近9仗，8次总入球开2球或以下，尤其喺主场出击对住主守球队，往往老鼠拉龟搵唔到甜头，近7仗联赛主场全开2球或以下。
水原蓝翼靠防守搵食
作客嘅水原蓝翼近期走势平稳，近6场录得3胜2和1负成绩，出色防守系佢哋反弹主因，呢6场比赛有3仗保持不失球。水原蓝翼今仗有中坚闵尚基坐完波监复出，防线可以最强阵容应战，作客预会主守为先，唔会畀太多空间全北，细盘可谓信心之选。