您的位置:网站首页 > 名报拆局 > 太阳报 > 正文

[波经]控球在脚制衡日本格仔军稳阵捧细盘

2022/12/5 12:35:58
今晚世杯16强头场,日本火并「格仔军」克罗地亚。「蓝武士」连挫两大前世杯盟主德国及西班牙,信心爆棚,老迈嘅克罗地亚避免硬碰硬,势必用控球打法拖慢节奏,稳阵行先唔慌多波入,宁捧2.5球细盘。
(Now 618及616周一晚11时直播)

日本今届世杯表现热血到晕,喺E组录得2胜1负,继首轮爆冷击败德国后,上仗落后下反胜西班牙2比1,更力压呢两支欧洲劲旅获首名出线,犹如漫画《足球小将》剧本,尽显无穷斗志。当然,主帅森保一唔系傻到相信麾下系劲过「西德」,佢有策略地喺初段打消耗战,留前斗后,去到下半场先换入三笘熏等搏杀,单计上仗斗西班牙,控球率只得17.7%,创下世杯史上最少控球赢波纪录。

克罗地亚睇定嚟食
上届亚军克罗地亚表现唔错,喺F组录得1胜2和获次名出线,但要留意,莫迪历、比列锡、波索域等主力都年纪唔细,无可避免踢「老鬼波」,明知日本活力十足,突击又煞食,经验丰富嘅「格仔兵团」梗系稳阵至上,以控球为主唔畀对手有更多空位,睇番佢哋今届3场分组赛,就有两仗互交白卷,可见一斑。「格仔兵团」近4仗有3次开2球或以下,加上双方近两次碰头,亦全开2球或以下,淘汰赛场合料会更加谨慎,2.5球入球细有计。