（周五凌晨4时开赛）
皇马近年唔太重视西班牙杯，历来仅赢过19次，对上一次捧杯已经系2013至14年球季，当时皇马主帅就系安察洛堤，所以今年争标动力较高，尤其佢哋早前西超杯决赛1比3不敌巴塞，联赛又畀巴塞压住，争欧联言之尚早，西班牙杯自然唔会轻易放弃，佢哋上圈作客维拉利尔罕有并无轮换，而系派强阵出击，喺半场落后两球劣势下完场前绝杀，惊险反胜3比2，今场遇着防守力强嘅马体会，如果再先失波就未必追得返，因此今场定必小心行事。
两队碰头例少交收
马体会冬季转会窗外借祖奥菲历斯到车路士，由巴塞补入荷兰射手迪比，整体实力冇走样，主帅施蒙尼可能教埋今季离队，喺联赛机会不大、欧联出局之下，球员势必喺西班牙杯搏尽欢送施蒙尼，战意毋须怀疑；佢哋最大本钱就系防守，近8仗有5场保持0失球，其余3场仅失1球，双方近年碰头亦都少交收，加上今场系淘汰赛，马体会更会坚守阵地，令「银河舰队」前锋难越雷池，入球细更加高唱入云
友情链接