您的位置:网站首页 > 名报拆局 > 太阳报 > 正文

羅沙里奧中央主W冇甩拖

2020/3/17 19:35:14

高隆作客輸到慌
阿根廷超級聯賽盃周一早上續有2場B組賽事上演,波童重心放喺尾場羅沙里奧中央主場鬥高隆。高隆喺剛過去一季阿甲護級失敗,來季將要降落阿乙作賽,士氣跌落谷底,加上佢哋對上11場作客聯賽輸10場,對住主場6連勝嘅羅沙里奧中央睇怕冇運行,1.64倍主勝穩開。(周二早上8時10分開賽、馬會網上文字直播)

阿甲降班係計算球隊過去3季聯賽平均分,基本上係為保障一啲有實力球隊,所以高隆護級失敗,絕對唔係因為一時表現走樣,反而係長期積弱嘅最佳證明。事實上,高隆連續2季都係阿甲作客成績最差球隊,前後踢咗24場聯賽一場都冇贏過,合共只得5和19負,剛結束一季11場作客更輸足10場,今場盃賽想反彈唔容易。

羅沙里奧中央喺剛結束聯賽排名第9,攞到來屆南球盃參賽資格,其實佢哋最終積分只比季軍沙士菲少3分,整體表現唔算曳;如果單計主場成績,羅沙里奧中央更加係失分最少球隊,11場主場聯賽攞到7勝3和1負,其中季尾6場全部贏晒,包括擊敗今季阿甲盟主小保加,戰鬥力不容忽視,以咁嘅狀態可望喺B組旗開得勝。

拉魯斯小阿根廷人吼細盤
至於同組另一場較早開波嘅比賽拉魯斯對小阿根廷人;小阿根廷人上周中喺阿根廷盃只能險勝低組別球隊卡紐拿斯1比0,如今匆匆再戰,體力上肯定輸蝕,佢哋聯賽連盃賽近13場比賽有12次總入球開2球或以下,作客出戰定必歎慢板。拉魯斯早前因要兼顧聯賽及南球盃疲態盡露,近5場比賽僅得3和2負,就算主場出擊亦冇強攻本錢,加上兩軍近6次交鋒有5次開2球或以下,中位數2.5球細盤捧得過。(周二早上6時開賽、馬會網上文字直播)

上一条:西人高层反对西甲就此结束赛季必须踢完才算 下一条:没有资料